上星期一連幾日落得好勁o既雨後，呢幾日天氣就轉晴，
不過好天之餘氣溫亦升左好多，琴日係夏至，怪唔得咁陽光充沛啦，
雖然咁好天真係好想外出，不過我又怕曬怕熱，
所以都係選擇ｏ係屋企過呢兩日假期，兩日真係門口都未出過，哈哈∼

炎熱ｏ既夏天又黎喇，好快又要溶化喇∼∼

一連落左幾日曝雨，今日終於見返ｄ陽光喇∼

呢幾日要幫老闆淘寶，攪到有壓力，其實訂野唔難，難在要問黎問去，
實在糾纏得太耐，所以我都要盡早幫佢地買左ｄ野去唔好再煩，
本來人家同埋分行秘書、女王一齊玩得好開心架嘛，
但變成工作一部份實在有壓力，第日有野玩都係唔好咁張揚比RM同事知，
因為佢個性太急，好易比佢催到頭暈。

晏晝同女王同埋分行秘書有少少時間都傾陣偈，不過有時好攪笑，
一係就買邊款水鞋ｏ係度坳，當然係玩果種啦，
一係就講上次分行秘書上次出email 打錯字ｏ既事，講講下大家都笑到死，
真係眼水都標埋，好在今日尚算無驚無險咁過左一日，
聽日又到星期五喇，快ｄ放假就好喇∼∼

呢兩日天氣繼續唔穩定，朝早返工都係咁落住雨，好在依家唔怕濕腳，嘻！

繼之前分行秘書老闆都話買水鞋後，我個家姐老闆又加埋我地呢個行動，
佢似乎見我地呢排就瘋癲就湊下熱鬧，反而幾十蚊對又唔係貴，
加埋隻超級魔鬼RM同事潑下就更加火熱，佢兩隻野衰到打電話比我，
叫我入房開緊急會議，佢地發傻起黎真係勁過我地好多，
因為怕太嘈所以關埋房門，最攪笑係前細佬老闆開門入黎見我地三個坐ｏ係度睇淘寶都窒左，
我幾驚佢要鬧我地唔做野，不過佢一定冇我地咁好氣話要出去見客。

不過加埋家姐老闆要買水鞋事件都未完，佢隻野原來立即話比兩個弟婦聽，
跟住又話比男老闆個老婆聽，叫我send D link比佢，
後尾男老闆老婆比家姐老闆指示打比我幫佢買水鞋，呢個時候開始發覺泥”踩屎”喇，
本來同分行秘書同埋女王柴娃娃訂下水鞋，依家攪到有ｄ變左工事咁，
變相增加自己工作量，本來幫手訂唔大問題，但問題係又要比佢地睇款，
睇完又要幫佢地問有冇貨，分分越攪越多人，之後可能連煩煩老闆買都未定，
因為今日我ｏ係家姐老闆房時煩煩老闆又八過入黎，聽到有平水鞋賣，話返去問下阿女，
唉∼今次真係捉虫喇，睇黎第日我地都要低調少少，唔好咁驚動ｄ老闆先得喇∼