放完大假終於要開工喇，不過朝早又係落住雨，但好彩有靚靚水鞋，
即使落雨都覺得冇咁閔。但由於落雨關係，坐車用耐左時間，加上又晏左出門口，
所以都係剛夠鐘返到去，不過都好ｏ既，大早返去比家姐老闆一見到我，
一定急不及待對住我講一大堆工作，晏ｄ返等佢地上左樓上開會，
至少可以抖陣氣同女王佢地傾左先開工。
今日一如所料枱面已經有一堆文件等緊我，好彩ｏ既係都唔係覆雜花時間ｏ既野，
都可以好快清到，但今日有個新老闆，要花少少時間同新老闆夾下。
首先都要形象下我新老闆，新老闆係男老闆，因為依家三個老闆只有呢個係男老闆，
咁以後我就用『男老闆』黎代表佢啦，男老闆本身係家姐老闆朋友，
不過入黎公司則跟前細佬老闆個unit，聽家姐老闆講男老闆以前間公司做CEO，
職位都幾高架，所以前細佬老闆都比較睇重佢，當然男老闆入黎公司只接近半年，
好多野應該仲係適應階段，我諗佢份人都幾nice，都識講下笑，
但同以往我跟開三個女老闆唔同，就係佢ｏ既野比較鍾意較單同電腦化，
唔鍾意keep 咁多hard copy，長遠黎講應該都係好ｏ既，
因為好似三個女老闆做左好多年，積存ｏ既copy 文件真係超多，
形成今日我想將佢地ｏ既野電腦化，我諗ｏ係公司再黎低冇返十年八都唔知得唔得，
都唔知ｏ係公司有冇咁長命，但都唔理啦，做得一日得一日。
我諗幫男老闆手應該都ｏｋｏ既，暫時係大家慢慢適應大家做野方式啦。
臨放工將今日積存ｏ既工作清得七七八八，希望黎緊一、兩日都唔好太忙，
可以清理埋放假前唔得閒清理ｏ既垃圾。聽日煩煩老闆跟公司旅行獎賞去泰國，
本來行程係去四川成都，因為地震都被迫要改地方，若地震唔係五月發生，
公司同事未出發，若果唔係公司一行六百幾人ｏ係成都有咩發生真係嚇親飽。
希望煩煩老闆呢個星期去左旅行少個老闆ｏ係度會好ｄ啦。 | 
