今日9點幾就起身喇..之後就換衫整野喇..又要執野ma

10:25就出門口喇..點知遲到呀..成班人等我tim..有d衰呀

我地成班人有12個人..去''落馬洲''過邊..又過埋關就有車黎喇

因為有專車接送..去到果間野好大囉..叫做''SPA''..係大陸都有間咁正既野

好靚囉..D野都好乾淨..不過價錢自己人最低消費係$139..好多人招呼

又換衫喇..又去''SPA''..好正呀..男女分開架..有個女人冇著到衫浸

我就冇佢地咁開放喇..浸完就去按摩喇..去左''足低按摩''..好正呀

$49有45分鐘..之後就同鄧芷婷上去唱K喇..要俾錢架..$48有1個鐘

D歌都好IN呀..TWINS..KELLY都有..之後唱完去打TABLE TENNIS

打完就去搵呀媽佢地囉..佢地做果D唔知咩全身按摩..佢地做果D好貴架

之後因為我地用唔夠錢..SO就去左食野喇..食完就沖涼換衫去食飯喇

CALL車車我地去食''西園春天''..好正呀..D野食..不過有D野辣左D囉

不過都幾好..之後就回程喇..同成班人去玩好好玩呀..按摩好正呀~

尋晚瞓唔著呀..點解會瞓唔著??因為我開心同埋興奮得滯囉!!haha

今日6:00就起左身喇..等家姐用完廁所先到我用..真係慘喇..等左好耐~

之後整完野6:45就同埋呀媛佢一家人一齊出門口行去碼頭喇..7:00去到~

之後就上船喇..好多人呀..好難可以搵到3個一齊坐ma..好彩有個男人讓俾我地~

好快就到''欣澳''喇..15分鐘左右咋..係船度仲食野呀..食我個''奶奶蛋糕''..好好笑!!

之後落船就轉巴士去''東涌''喇..去''大家樂''坐左陣就走喇..行去搭地鐵~

我地見到架去''迪士尼''既地鐵呀..超靚唷!!可惜..我地唔係搭果架喇..因為要等人

之後就坐tvb果d車車去喇..去到好靚呀..今日成日既行程就係行行坐坐喇..

不過都有少少時間去玩..真係好好玩呀..超動感影院..真係好好睇呀..睇左3次喇

不過3次都覺得好好low..有一次仲係坐係明星度呀..有好多明星呀..

有:鄭融..師兄.........好多好多呀..除左''超動感影院''仲有''巴欺光年''呀

果個係要坐一架野上面玩..好好玩架..要射去指定既地方就有分..好好玩呀

仲要係計分囉..呢個都玩左2次..不過唔陪呀媛同佢家姐玩得多..佢地玩左3次喇

佢地好好高分呀..又去左遊船河..但係真係好好玩囉..等我係下面介紹下

6:40就走喇..住車返去喇..今次搭車..可以搭迪士尼既地鐵..裡面好正呀..

影左好多相呀..之後去左東涌食飯呀..去左果個美食廣場..正呀

食飯之前我地去左''噴水池''玩呀..我..呀媛同埋芷瑩都濕晒..搞到好凍凍呀..不過都好正

之後又搭車同埋搭船返去喇..9點幾就返到喇..之後又執下野..聽日上大陸呀..即日返喇

   等我介紹下今日去迪士尼玩既野喇

超動感影院------  帶住3D眼鏡睇電影..好真架..好似睇住D野拋去自己面前

有D鏡頭係野食..之後真係有D香味出黎

有D有水既鏡頭..就會有水噴出黎..搞到濕晒

巴欺光年-------- 射槍..好正呀..可以轉架

遊船河---------係坐係架船度..之後去左好多地方..仲要好多野都識郁

又識噴水..有大象..長頸鹿..火山..蛇喇..好得意呀..正正正

今日10點幾就起左身喇..我起身果陣我家姐都起埋..最遲係我tim!!

起身就換衫整野喇..11點幾就出門口喇..我同呀媽出去先..去左''OK''

買我既早餐sin..今日好健康呀..吞拿魚麥包三文冶同埋呢個鮮奶..yummy

出左荃灣sin..行下街咁..之後就上左去我呀媽屋企喇..d大人又打牌喇

之後3點幾陪呀婆同埋我表姐去飲茶..好乖乖呀!!之後就去買送送喇

買完就返上去喇..同表姐sue傾計呀..好耐冇見喇我地..呀姨佢地星期五

去樟木頭玩呀..我表姐話我去佢先去..但係要比賽呀..初初我地想自己上去

但係d大人一定唔俾..就算表姐sue係f.5..咁大個..最終決定星期六表姐上黎

我屋企瞓喇..佢應該都黎睇我比賽既..之後又傾下頭髮既野..我表姐去整頭呀

佢都叫我去整呀..因為佢識人可以好平呀..不過要去天后果邊囉..唔係好遠ja

我地約左23左右去整喇..我捲頭髮呀..呀媽同埋呀姨佢地都支持wo..呵呵

不過我話染頭..佢地就話唔得囉..算喇..但係唔知整完靚唔靚呢??有d擔心

羸左好同表姐同埋家姐男朋友一齊''鋤dee''呵呵!!原來我都幾勁多鋪呀..

之後就食飯喇..好多送呀..之後d大人又打左1個鐘既牌喇

我就同我表弟''鋤dee''..之後8點幾就走人喇..返到屋企都係9點幾之ma

之後就沖涼執野喇..聽日去''迪士尼''喇..開心開心..爆開心呀..多謝呀媛lei^^

聽日要6點起身喇..希望唔好遲到喇..遲到就死得人多多多多喇..........

今日6:00果陣就俾我家姐嘈醒左..佢又開燈又吹頭..諗住等佢走左就再瞓過..點知醒左就瞓唔返喇..之後係廳度瞓..到我老豆出黎佢叫我返入房瞓..呀媽又叫我去佢間房度瞓..佢知我瞓唔著仲哄我瞓..呵呵!!好似小朋友要媽媽哄瞓覺覺豬咁~之後一瞓就瞓到11:00喇..唔記得左今日係星期六..諗住睇''孫悟空''..原來今日冇得做..不過睇睇下..有套叫做''少女17減11''既卡通片..好好睇呀!!睇完就開始換衫喇..約左呀媽去''啟豐''食晏..去左''千味''食..都幾好食呀果個咁既''豬頸肉炒意粉..正!!食完仲有好多時間呀..約左芷瑩2:00係卓麗等..我見d時間唔拖唔水..咪話返屋企囉..呀媽又話見我自己行下先..之後我就冇返屋企喇..去左啟豐係咁自己一個人行行行..當中仲見到唔少野..例如:見到呀媛同佢家姐行街..有人係商場鬧交..之後行到2:00就上去搵芷瑩喇..佢都到左喇..之後就行去圖書館喇..去之前買左d糖同野飲入去偷飲同埋偷食..去到圖書館就做下閱讀報告喇..冇啦啦仲見到姵妏呀..之後就一齊食功課喇..食完就上左卓麗玩..6:00就走喇..同呀媽去食飯..芷瑩又去游水..食完野就去同呀媽幫手呢個table tennis比賽喇..好好睇呀..之後9點幾就去左美樂果間野食糖水喇..11:00返到屋企喇..聽日又出街喇~

今日10:40先起身..一起身喇喇聲開電視先..因為已經做緊呢個''孫悟空''喇..今集都幾好睇呀..之後就做''十月初五的月光''喇..原來今日係大結局喇..真係做得好快呀..lunch呀媽煮呀..之後係屋企玩電腦..瞓下..5:30落街同呀媽去''萬寧''..買左好多野呀..有好多糖糖呀..keekee..行返屋企果陣仲一路行一路食..今日冇什麼特別呢!!不過我知道我入邊班喇..我入2b呀..唔知同邊個一班呀..不過唔該晒牙雞..我同佢一班tim呀..yaya!!